Barry Vosloo
Uitvoerige
navorsing deur prof. J A Heese om vas te stel hoeveel wit (hoofsaaklik
Hollandse en Duitse) inwoners van die Kaap tussen 1852 en 1800met sogenaamde
nie-blankes getroud was, het in die vroeë sewentigerjare opsienbare feite aan
die lig gebring. In sy navorsingsverslag (Die
herkoms van die Afrikaner, 1971) beweer Heese dat meer as 1 200 sulke
huwelike plaasgevind het (Alister Boddy-Evans: Genealogy of Afrikaners
 |
| Prof H F Heese |
Trouens, hy en
prof. H F Heese (Groep sonder grense,
1984) het vasgestel dat suiwer wit Afrikaners, as ‘n konsep, nooit bestaan het
nie. Hulle het ‘n lys die lig laat sien van nagenoeg 108 Afrikaanse families
wat afstammelinge is van wit Afrikaanse mans wat met vroue van gemengde afkoms
of swart of Asiër-vroue getrou het.
Ek onthou goed dat
hierdie bevindings toentertyd die spreekwoordelike knuppel in die
Afrikaner-hoenderhok gegooi het, dermate dat die meeste Afrikaners die Heeses
verguis het. Het hulle (die Heeses) dan nie geweet dat die Nasionale Party se program
van beginsels (1914) rasvermenging onomwonde verwerp het nie? (Max du Preez: Pale Native, 2003)
Vosloo is één van
die vanne wat deur die Heeses “gelys” is.
Ek is ‘n afstammeling
(negende geslag) van Jan Vosloo wat in die 1680s in Kaapstad aan wal gestap
het. Hy was in diens van die VOC as baashoutkapper en –tuinier. Jan is in 1649
in Lippstadt in
die voormalige Wes-Duitsland gebore.
 |
| Daniël Jacobs |
Volgens Daniël
Jacobs (Die Vosloos, nuttige landsburgers,
2003) bestaan daar afdoende getuienis dat my stamvader nie getroud was nie,
maar wel kinders by verskeie slavinne verwek het.
Johannes van de
Caap (gebore in 1696), was die enigste seun van oer-oupa Jan en sy vrygestelde
VOC-slavin, Helena van Malabar. Malabar is ‘n provinsie wat aan die Weskus van
Indië geleë is. ‘n Mens kan
dus redelikerwys aanneem dat sy van Indiese afkoms was.
Johannes is van
belang omdat al die Vosloo swat vandag leef, van hom afstam.
 |
| Pres. Paul Kruger |
Johannes se
eggenote was Gerbrecht Herfst, die dogter van Johann Herfst en Lysbeth Sanders.
Lysbeth, ‘n swart Angolese slavin, het ‘n veelbewoë lewe gehad. Sy het
verhoudings met verskillende mans gehad en was die ma van vyf dogters wat baie
nasate onder blanke Suid-Afrikaners het, insluitend pres. Paul Kruger, genl.
Louis Botha en genl. Koos de la Rey. Johann was van Duitse afkoms wat toenteryd
die opsigter van die VOC-veepos in Hottentots-Holland was.
Terloops, ek sou in
die ou apartheidsbedeling nooit in der ewigheid hierdie stukkie geskryf het
nie!
Diegene wat nog nie
weet wie hulle stamouers is nie, kan
gerus hier klik
