1.
Verskeie
interessanthede het op die
tafel geland en die groep het almal
insette en kommentaar gelewer, oor die volgende onderwerpe:-
*
Familie navorsing en waar en hoe jy
inligting kan bekom - lede het selfs hulp vir mekaar aangebied.
*
Die betroubaarheid van inligting,
want dit is ook maar net mense wat die inligting verskaf en vorms voltooi – bv.
geboortesertifikate, sterftekennisse.
*
Die spelling van name en vanne.
*
Fotografering van graftes.
*
Die bewaring van Bybels, registers en geskrifte met Genealogiese
waarde vir die nageslag.
*
Voorbestaan van Museums en bewaarplekke
is ‘n probleem in die nuwe Suid Afrika, dit kry nie genoeg fisiese en finansiële bystand nie, wat
meebring dat hulle nie kan oorleef
nie. Baie word dan genoodsaak om te
sluit en die inhoud beland aan die einde
van die dag in ‘n stoorkamer of op ‘n ashoop, of in die hande van persone wat
geen waarde daaraan heg nie.
*
Die Bybels en die registers wat dateer uit die begin 1800 by die “United
Congregational Church of Southern Africa” te Hankey (Die Hankey Sendingsstasie
van 1800) is geberg in die kantoor van Rev. Hendrick Pillay. Volgens hom het sy Kerk geen bewaarplek
beskikbaar nie, dus is hy bereid om dit aan ‘n Museum of bewaarplek te skenk
vir veilige bewaring. Ons fotografiese
span het die inhoud van die registers en
Bybels fotografeer vir bewaring en
navorsing.
*
Aangaande die bewaring van Bybels, register en dokumente van waarde was
die gevoel van die groep dat ons eintlik niks daaraan kan doen om dit vir die
nageslag te bewaar nie. Die gevoel is
dat instansies hul eie stukke moet
bewaar vir die nageslag. As jy oor
sodanige stukke beskik beskryf dit in jou testament en dan moet ons hoop en
vertrou dat dit bewaar sal bly vir die nageslag. Museums en bewaarplekke is nie die antwoord
nie, omrede die voort bestaan daarvan nie gewaarborg kan word nie.
*
Aan die einde van die byeenkoms was die gevoel van lede teenwoordig dat
die gesprekvoering baie interessant en leersaam was en dat daar meer sulke
byeenkomste gehou moet word.