 |
| De Strijd tusschen Boer en Brit |
Die
eerste is De Strijd tusschen Boer en
Brit. De herinnering van den Boeren general C.R. de Wet-1902. 'n Inskripsie
wat deur F C Eloff in 1902 voor in die boek aangebring is, verhoog die waarde
daarvan aansienlik. Die boek bevat 508 bladsye.
 |
| Genl. Christiaan de Wet |
De Strijd tusschen Boer en
Brit
het sy ontstaan te danke aan dominee J.D.Kestell wat generaal Christiaan de Wet
bygestaan het om sy memoirs te skryf. De Wet, as legendariese soldaat en
staatsman, is op 7 Oktober 1854 naby Dewetsdorp gebore. Sy rol in die Anglo-Boereoorlog en die Rebellie van 1914, het hom wye erkenning in die Suid-Afrikaanse
geskiedenis verleen. De Wet is op 3 Februarie 1922 oorlede en by die Vrouemonument
in Bloemfontein
langs pres. Steyn en Emily Hobhouse begrawe. Die museum by die Vrouemonument
het `n onlangse opgradering ondergaan en 'n besoek kan `n besondere ervaring wees.
De Strijd tusschen Boer en
Brit
het verskeie vertalings beleef. Dié publikasie, met die inskripsie van
F.C. Eloff gedateer Desember 1902, kan
as besondere Africana beskou word. F.C. Eloff het blykbaar gedurende die oorlog
ook as Staatsekretaris opgetree.
Die
tweede publikasie wat van besondere belang is, is Striden mellan Börs och Engelsmȁn, skildrad ann Christin R. de Wet General, 'n Sweedse vertaling oor generaal De Wet wat in 1903
in Stockholm
gepubliseer is. Dit bevat 474 bladsye en 100 illustrasies. Die boek is in puik
toestand en sal Africana-versamelaars maklik R3 000.00 uit die sak jaag.
 |
| Pres. M T Steyn |
Die
derde publikasie is Genom
Boernas Land
Fran Amsterdam till Pretoria af: J.A.Wormser
- Frȁn Tyskan af Pontus
Dahlander. Dit is in 1900 in Stockholm
gepubliseer en beslaan 267 bladsye. Hierdie publikasie gee `n oorsig van die verskillende
bevolkingsgroepe in Suid Afrika met verwysing na bepaalde volksleiers soos presidente
Steyn en Brand asook generaal Piet Joubert.
Lesers
wat belang stel kan
gerus met Piet in verbinding tree by dawnviewinn@yahoo.com.
